عن مُجيب

زبونك بيستاهل جواب،
بأي ساعة كتب.

مُجيب وكيل خدمة عملاء بالعربي، من عمّان. بيرد على زباين الأنشطة الخدمية على واتساب وماسنجر وإنستغرام، وبيحجزلهم، وبيسلّم لفريقك لما لازم.

ليش بنينا مُجيب

العيادات والمراكز والأكاديميات بتخسر زباين كل يوم، مش لأنه خدمتها سيئة، لأنه رسالة الساعة 11 بالليل ما إلها حدا يرد عليها. على منصّتنا (ومعظمها من مركز تغذية واحد)، أكثر من ربع رسائل الزباين وصلت بعد الدوام.

اللي بنمشي عليه

  1. معلوماتك هي المصدر. الوكيل بيجاوب من أسعارك وخدماتك، والأشياء اللي مش فيها بتروح لفريقك.
  2. فريقك صاحب القرار. أول ما حدا من الفريق يرد، الوكيل بيوقف. وإنت بتشغّله وبتطفيه بأي وقت.
  3. عربي من الأساس. بالأردنية بشكل افتراضي، وبالإنجليزي لما الزبون يكتب بالإنجليزي.
  4. أسعار واضحة بالدينار. باقات ثابتة، بدون رسوم مخفية وبدون سحب تلقائي.

بالأرقام

أكثر من 14,000 رد وأكثر من 4,100 محادثة مع زباين حقيقيين، بين حزيران وأيلول 2026، ومعظمها من مشغّل واحد: مركز تغذية بسبعة فروع في الأردن.

الشركة

مُجيب خدمة بتشغّلها AL-Mujib Smart Information Technology Co.، شركة مسجّلة في عمّان، الأردن.

جرّبه ١٤ يوم مجانًا

١٠٠ محادثة، بدون بطاقة، وبدون أي سحب تلقائي.

جرّبه مجانًا